TOSHKENT DAVLAT AGRAR UNIVERSTITETI TERMIZ FILIALI

NIZOM

14 May 2019
Ko`rildi: 0

Toshkent davlat agrar universiteti Termiz filialining NIZOMI

Termiz - 2018 yil

I. Umumiy qoidalar

1. Toshkent davlat agrar universiteti Termiz filiali (keyingi urinlarda "Filial" deb ataladi) O'zbekiston Respublikasi Prezidentining 2018 yil 8 maydagi "Toshkent davlat agrar universitetida oliy maʼlumotli kadrlar tayyorlash tizimini tubdan takomillashtirish chora-tadbirlari to'g'risida"gi PK-3704-sonli karoriga muvofiq Oliy va o'rta maxsus taʼlim vazirligining tarkibiga kiradi.

2. Filial davlat oliy taʼlim muassasasi hisoblanib, oliy taʼlimning asosiy va qo'shimcha taʼlim dasturlarini bajarish bo'yicha taʼlim faoliyati bilan shug'illanadi. O'zbekiston Respublikasining qonun hujjatlariga muvofiq o'quv-pedagogik va ilmiy-metodik va boshqa faoliyatni amalga oshiradi hamda taʼlim xizmatlarini ko'rsatadi.

3. Filial o'z faoliyatida O'zbekiston Respublikasining Konstitutsiyasi, "Taʼlim tug'risidagi" qonuni, Kadrlar tayyorlash milliy dasturi, Oliy Majlis palatalarining qarorlari, O'zbekiston Respublikasi Prezidentining Farmonlari, qarorlari va farmoyishlari, Vazirlar Maxkamasining qarorlari va farmoyishlari, Oliy va o'rta maxsus taʼlim vazirligining normativ-huquqiy hujjatlari va mazkur Ustavga amal qiladi.

4. Filial yuridik shaxs hisoblanadi. Operativ boshqaruvida o'ziga xos maxsus mol-mulkka ega va ushbu mol-mulk bo'yicha o'z majburiyatlariga muvofiq javob beradi, o'z nomidan mol-mulk sotib olishi va mulkiy hamda nomulkiy huquqlarni amalga oshirishi, zimmasiga majburiyat olishi, sudda daʼvogar va javobgar bo'lishi mumkin.

Mustaqil balansga, bank muassasalarida hisob-kitob va boshqa, shu jumladan, valyuta bo'yicha hisob raqamlariga, O'zbekiston Respublikasi davlat gerbi tasviri tushirilgan va o'z nomi yozilgan muxrga, shtamplar va boshqa rekvizitlarga ega.

Filial joylashgan manzil: 191200, Surxondaryo viloyati; Termiz tumani, Yangiobod mahallasi.

E-mail: termizdau@agro.uz

X.r.: 2340 2000 3001 0000 1010 "Toshkent sh. MB Bosh boshqarmasi XKKM"

MFO: 00014 INN: 201122919

sh.x.r.: 100010860224017094100170001 MFO: 00358

INN: 305029464, OKONX: 85420

Toshkent davlat agrar universiteti Termiz fiali

Toshkent davlat agrar universiteti Termiz filiali

Termezskiy filial Tashkentskogo gosudarstvenogo agrarnogo universiteta

Termiz branch of the Tashkent state agrarian university

 

II. Filialning asosiy vazifalari

5. Filialning asosiy vazifalari quyidagilardan iborat:

shaxsning intellektual, madaniy va ma’naviy-axloqiy kamol topishiga bo’lgan ehtiyojlarini oliy ta’lim va oliy ta’limdan keyingi ta’lim bosqichlarida ma’lumot olishi orqali erishishni qondirish;

iqtisodiyotning tegishli sohalari bo’yicha oliy ma’lumotli mutaxassislarni va ilmiy-pedagog kadrlarni tayyorlash, qayta tayyorlash va malakasini oshirish;

oliy ta’limdan keyingi ta’lim bo’yicha fanning falsafa doktori, fan doktori va mustaqil izlanuvchi sifatida oliy malakali ilmiy-pedagog kadrlar tayyorlash;

ta’lim, fan, innovatsiya va ilmiy-tadqiqotlar natijalarini tijoratlashtirish faoliyatining uzviy bog’likligini nazarda tutuvchi “Universitet 3.0” konsepsiyasini bosqichma-bosqich joriy etish;

jamiyatning ahloqiy, ma’naviy-ma’rifiy, madaniy va ilmiy qadriyatlarini saqlash va boyitish;

aholi o’rtasida bilimlarni tarqatish, uning ma’naviy-ma’rifiy va madaniy, huquqiy darajasini ko’tarish;

ilmiy-pedagog xodimlar va ta’lim oluvchilarning ilmiy-tadqiqotlari va ijodiy faoliyatlari orqali fanni taraqqiy ettirish, olingan natijalardan ta’lim jarayonida foydalanish;xar tomonlama rivojlangan va sodiq shaxsni, mustakil davlat fuqarosini o’z vatani fidoyisi, xalq, jamiyat va oila oldidagi mas’uliyatini xis qiluvchi, milliy va umuminsoniy qadriyatlarni hurmat qiluvchi, xalq an’analarini boyituvchi va mustaxkamlovchi, Vatanimiz kelajagi uchun vijdonan va halol mehnat qiluvchi etib shakllantirish;

tegishli ta’lim yo’nalishlari bo’yicha uquv-uslubiy majmualarini, o’quv-qo’llanmalarini, darsliklarni, jumladan, elektron adabiyotlarni yaratish va ularni o’quv jarayonlariga tatbiq etish;

milliy iqtisodiyotning tegishli tarmoqlari bo’yicha ustuvorlikka ega bo’lgan va ishlab chiqarish ehtiyojlaridan kelib chiqqan holda ilmiy tadqiqot ishlarini olib borish va natijalarini amaliyotga tatbiq qilish;

ilmiy-tadqiqot va tajriba-konstruktorlik ishlarini amalga oshirish va bu ishlarga talabalarni jalb etish;

Filial binolari va unga tegishli ob’ektlarda umumiy ovqatlanish, oshxona, bufetlarni tashkil etish va faoliyatini yuritish.

O’zbekiston Respublikasi Prezidentining 2019 yil 19 avgustdagi PQ-4421-sonli qarori bilan Filialda qishlok xo’jaligi ta’limi va ilm-fanni yanada rivojlantirishning ustuvor yo’nalishlari etib quyidagilar belgilangan:

qishloq xo’jaligida innovatsion resurs tejamkor texnologiyalarni qo’llash, “aqlli qishlok xo’jaligi” (Smart agriculture) va raqamlashtirilgan agrotexnologiyalarni joriy qilish bo’yicha zamonaviy bilimlarga ega bo’lgan kadrlar tayyorlash; qishloq xo’jaligida innovatsion resurs tejamkor texnologiyalarni qo’llash, “aqlli qishloq xo’jaligi” (Smart agriculture) va raqamlashtirilgan agrotexnologiyalarni joriy qilish bo’yicha zamonaviy bilimlarga ega bo’lgan kadrlar tayyorlash;

o’quv-laboratoriya bazasini modernizatsiyalash, fan dasturlarida soha bo’yicha zamonaviy ishlab chiqarish jarayonlari, yuqori unumli va resurs tejamkor ilg’or texnologiyalar bo’yicha bilimlarni aks ettirish;

xorijiy ilmiy-tadqiqot va oliy ta’lim muassasalarida professor-o’qituvchilar, ilmiy va ilmiy-pedagog kadrlarning malakasini oshirish va stajirovkalarini tashkil etish;

ilmiy-tadqiqot institutlari bilan manfaatdor vazirlik, idora va tashkilotlar hamkorligida fundamental, amaliy va innovatsion tadqiqotlar olib borish hamda ularning natijalarini ishlab chiqarishga keng joriy etish;

Filial axborot-maslaxat markazlari (extension center) orqali qishloq-xo’jaligi ishlab chiqarishidagi tizimli muammolarni aniqlash hamda ularni bartaraf etish bo’yicha “axborot-maslaxat markazi-kafedra-qishloq xo’jaligi ishlab chiqaruvchisi” tizimini joriy etish;

professor-uqituvchilar, ilmiy-tadqiqotchilar, talabalarning innovatsion texnologiyalarni yaratish hamda joriy etish borasidagi tashabbuskorligi va moddiy manfaatdorligini oshirish;

 

 

// //